BLANTERSWIFTBEGANBENEFITSBLOG101
Bujang Kulup Series : Bunuh Diri

Bujang Kulup Series : Bunuh Diri

Sabtu, 22 September 2018



Oleh : Koko Hadiwana

Sudah seminggu bujang dak ketemu kulup dak do kabar berita, nengok status di Facebook status nyo galau terus, dan karena penasaran cubo la bujang main ke rumah nyo...

Bujang : "assalamualaikum..."
(Dak do jawaban, tigo kali bujang manggil dak do jugo jawaban, cubo la Dio langsung masuk dak do pulak orang dirumah, pergi Dio ke belakangan Rumah kulup)

Dari jauh bujang melihat kulup sedang tegak di atas kursi dibawah batang rambutan, sambil sesekali nangis, cuma Ado pula tali di salah satu dahan rambutan tu,cemas pulak la bujang tadi nengok nyo.

Bujang : "woii... Kulup ngapo kau!!!!"
(Sambil berlari cemas)

Kulup : (hampir be jatuh kareno terkejut) "ngapo la kau ke siko, ngejutin orang be, kau dak tau aku nak bunuh diri!!!"

Bujang : "ngapo pulak...?"(penuh keheranan)

Kulup : "awak dak sanggup jok, awak malu awak dak jadi kawin.."

Bujang : "ai.. ngapo pulak nak bunuh diri,cuma dak jadi kawin be..."

Kulup : "Iyo la jok, duit la disiapin buat sedekah,buat organ, buat tenda, buat undangan, belum lagi status awak di Facebook tu... Aku cinta dia, i Miss you, no smoking together, malu aku jaaang...apo kato dunio!!!"

Bujang : "ngapo dak jadi emangnyo?"

Kulup : "tu la Jang, cuma gara-gara laki nyo dak setuju laju batal aku kawin dengan Dio"

Bujang :" kentut kau la... Bini orang yang nak kau nikahin, sini cepat la kalo kau nak bunuh diri biar aku pegangin kursinyo...!!!" (Sambil ambil kayu buat gebuk kulup)

Kulup : "dak jadi la Jang... Aku berubah pikiran kau ganggu konsentrasi aku be...(sambil lari, terjun ke sungai takut dengan bujang yang bawa kayu)